រហូតមកដល់ពេលនេះ មានជំនួយជ្រោមជ្រែងយ៉ាងច្រើន​សម្រាប់គម្រោង​សំណង​ដែលដើមបណ្តឹង​រដ្ឋប្បវេណី បាន​ស្នើ​សុំនៅ​ក្នុង​សំណុំរឿង ០០២/០១ ប៉ុន្តែ​ក៏​នៅ​​មានកង្វះ​ខាតមូល​និធិនៅឡើយ ដូច្នេះនៅ​តែមានឱកាស​ផ្សេងៗ​ដែលម្ចាស់​ជំនួយ​​សក្តានុពល អាចចូលរួម​ជួយសម្រេច​​គម្រោង​ទាំងនេះ ដែល​នឹងផ្តល់​ប្រយោជន៍​​ដល់ជនរងគ្រោះ​នៃរបប​កម្ពុជា​ប្រជាធិបតេយ្យ​ពីឆ្នាំ ១៩៧៥ ដល់ ឆ្នាំ ១៩៧៩។

ដោយសហការយ៉ាង​​ជិតស្និទ្ធជាមួយនឹង​ស្ថាប័នរដ្ឋាភិបាល និងអង្គការ​ក្រៅរដ្ឋាភិបាល  អង្គភាពគាំពារ​​ជនរងគ្រោះ និងសហមេធាវីនាំមុខ​​តំណាង​​ដើមបណ្តឹង​រដ្ឋប្បវេណី នៅ អ.វ.ត.ក បច្ចុប្បន្ននេះ​​កំពុងតែដឹកនាំកិច្ច​ខិតខំប្រឹងប្រែង​ថ្មីមួយ​ដើម្បីជួសជុល​ព្យសនកម្ម​របស់​​​​ជនរងគ្រោះ ដែលនៅ​មាន​ជីវិត​ពី​របបខ្មែរ​ក្រហម។ អ.វ.ត.ក​​ គឺជា​តុលាការ​ដំបូងបំផុត​ដែល​អនុញ្ញាត​ឲ្យ​ជនរងគ្រោះចូលរួមផ្ទាល់​​ក្នុងនាមជាភាគី​​នៅក្នុងកិច្ច​​ដំណើរការនីតិវិធី។ តាមក្រប​​ខ័ណ្ឌ​ច្បាប់​ដែលចែង​អំពីកិច្ច​ដំណើរ​ការ​នីតិវិធីរបស់ អ.វ.ត.ក ដើម​បណ្តឹង​រដ្ឋប្ប​វេណី អាចស្វែង​រកសំណង​ផ្លូវចិត្ត និងសមូហភាព។ បន្ថែមពីលើ​នេះទៀត អង្គភាពគាំពារជនរងគ្រោះ​​មានភារកិច្ចបង្កើត និងអនុវត្ត​វិធានការ​នានាមិនមែន​បច្ចេកទេសតុលាការ​​ដើម្បីបម្រើប្រយោជន៍​​​​ដល់ជនរងគ្រោះឲ្យបានកាន់តែច្រើន​​ថែមទៀត។ នាពេលថ្មីៗនេះ អង្គជំនុំជម្រះ​​សាលាដំបូង បានសម្រេច​កាលបរិច្ឆេទ​កំណត់​​គឺនៅត្រឹមថ្ងៃទី៣១ ខែមីនា ឆ្នាំ ២០១៤ ឲ្យ​ដើម​​បណ្តឹង​រដ្ឋប្បវេណី ត្រូវតែដាក់​ឯកសារ និងព័ត៌មានណា​បន្ថែមទៀត ស្តីពីគម្រោង​សំណង​ដែលខ្លួន​ស្នើសុំនៅក្នុង​​សំណុំរឿង ០០២/០១ រួមមាន​បច្ចុប្បន្នភាព​អំពីមូលនិធិជាដើម។ ដើមបណ្តឹង​​​រដ្ឋប្បវេណី ស្នើតុលាការ​សុំទទួល​ស្គាល់គម្រោង​សំណងចំនួន ១៣គម្រោង​នៅ​ក្នុងសំណុំរឿង ០០២/០១ ដែលបំណង​ទទួលស្គាល់​ជនរង​គ្រោះ​របប​ខ្មែរក្រហម ដើម្បីកាត់បន្ថយ​​ព្យសនកម្ម និងការឈឺចាប់​​​ដែលជនរងគ្រោះ​​បានជួបប្រទះ។

សំណើគម្រោងទាំង១៣ ដែល​​បានដាក់​ជូនអង្គជំនុំជម្រះ​​សាលាដំបូង (អានលម្អិត)។ ក្នុងករណីផ្តន្ទាទោស​​ជនជាប់ចោទ អង្គជំនុំជម្រះ​​សាលាដំបូង អាចផ្តល់​សំណង​ផ្លូវចិត្ត និងសមូហភាព ដល់ដើម​បណ្តឹង​រដ្ឋប្បវេណីនៅ​ក្នុងសាលក្រម​របស់​ខ្លួន ប្រសិន​បើ​លក្ខខណ្ឌ​មួយចំនួន​ត្រូវបាន​បំពេញ ដោយក្នុង​​ចំណោមនោះរួមមានលក្ខខណ្ឌ​​តម្រូវឲ្យរៀបចំឯកសារ​អំពីភាពគ្រប់​គ្រាន់​នៃមូលនិធិពីខាងក្រៅ​សម្រាប់​គម្រោងនីមួយៗ​​ដែលបានស្នើសុំ។ ដោយសារកាល​បរិច្ឆេទ​កំណត់​ត្រឹម​ចុងខែមីនា ដែល​ខិត​កាន់តែជិត​​ហើយនោះទើប​អង្គភាព​គាំពារ​​ជនរង​គ្រោះ សូមឆ្លៀត​យកឱកាស​​​នេះ​ដើម្បី​ជម្រាប​ជូន​សាធារណជន​អំពីសមិទ្ធផល​ដែលទទួលបាន​​រហូតមកបច្ចុប្បន្ននេះ ហើយសូមស្នើ​​សុំមូលនិធិស្ម័គ្រ​ចិត្ត បន្ថែម​ទៀត​សម្រាប់​ឧបត្ថម្ភដល់គម្រោង​សំណង​ដែលដើមបណ្ដឹងរដ្ឋប្បវេណី​បានស្នើសុំ។ ទោះបីជាមានជំនួយ​ជ្រោម​ជ្រែងយ៉ាងច្រើន ផ្នែកផ្លូវចិត្ត នយោបាយ និងហិរញ្ញវត្ថុ​ពីសហគមន៍ម្ចាស់ជំនួយអន្តរជាតិ រាជ​រដ្ឋាភិបាលកម្ពុជា និង​អង្គការសង្គមស៊ីវិល​កម្ពុជា​យ៉ាងណាក៏ដោយ ក៏នៅតែមានឱកាសជាច្រើនទៀត​ដែលម្ចាស់ជំនួយសក្តានុពល​អាចចូលរួមជួយសម្រេចគម្រោងសំណង​ដែលបានស្នើសុំ។ តាមរយៈការផ្តល់ជំនួយជ្រោមជ្រែង​ផ្នែកហិរញ្ញវត្ថុ​ដល់គម្រោងទាំងនេះ ម្ចាស់ជំនួយអាចជឿជាក់​ប្រាកដថាការចូលរួមចំណែក​របស់ខ្លួន ត្រូវបានប្រើប្រាស់​សម្រាប់​គម្រោងដែលបង្កើត និងបង្កើន​ជាអតិបរមានូវប្រយោជន៍ផ្ទាល់ និងយូរ​អង្វែងសម្រាប់ដើម​បណ្តឹងរដ្ឋប្បវេណី និងជនរងគ្រោះ​នៅទូទាំងប្រទេស​កម្ពុជា។

គម្រោងមួយចំនួនមិនទាន់​មានមូលនិធិនៅឡើយទេ ដូច្នេះ អាចមានហានិភ័យថា តុលាការនឹងមិនទទួលស្គាល់ ឬមិនអាចអនុវត្តបាន។​ ជំនួយមូលនិធិត្រូវ​បានស្នើដោយផ្អែកលើអាទិភាព នៃគម្រោងទាំងនេះ ដូចជាគំនិតផ្តួចផ្តើម​អំពីការចងចាំសាធារណៈ គម្រោងបោះពុម្ពផ្សាយ និងចែកចាយ​សាលក្រម សំណុំរឿង ០០២/០១ ជូនជនរងគ្រោះ ជាសាលក្រមទាំងស្រុង និងសម្រង់សង្ខេប។ គម្រោងសំណងមួយចំនួន​បានទទួលមូលនិធិ​រួចហើយ ប៉ុន្តែនឹងពង្រីកវិសាល​ភាព​​បន្ថែមទៀតពេល​ទទួលបានមូលនិធិបន្ថែម។ ក្នុងចំណោមគម្រោងទាំងនេះ​រួមមាន គម្រោងព្យាបាល​តាមរយៈ​ការផ្តល់សក្ខីកម្ម ក្រុមជួយខ្លួនដើម្បី​ស្តានីតិសម្បទា ការតាំងពិព័រណ៍ ចល័ត និងអចិន្ត្រៃយ៍។

សូមម្ចាស់ជំនួយ​សក្តានុពល ធ្វើការទំនាក់ទំនងជាមួយអង្គភាព​គាំពារជនរងគ្រោះ ដើម្បីទទួល​បានព័ត៌មានបន្ថែម និងការជួប​ពិភាក្សា​ដោយ​មាន​បទ​បង្ហាញ។

អង្គភាពគាំពារ​ជនរងគ្រោះ គឺជាអង្គភាពផ្លូវការមួយរបស់ អ.វ.ត.ក ហើយមានភារកិច្ច​សម្របសម្រួល​ឲ្យជនរងគ្រោះ​ចូលរួមនៅក្នុង​កិច្ចដំណើរការនីតិវិធី​របស់ អ.វ.ត.ក លើកលែងតែ​តំណាងផ្លូវច្បាប់។ អង្គភាពនេះ​ក៏មានភារកិច្ចស្វែង​រកមូលនិធិ និងជំនួយជ្រោមជ្រែង​ពីខាងក្រៅ ហើយដោយសហការ​​យ៉ាងជិតស្និទ្ធិជាមួយនឹង​សហមេធាវីនាំមុខតំណាង​ដើមបណ្តឹង​រដ្ឋប្បវេណី អង្គភាពនេះ​មានភារកិច្ចកំណត់ រៀបចំ និងអនុវត្តគម្រោង​សំណងផ្សេងៗ។

ទំនាក់ទំនងនៅអង្គភាពគាំពារជនរងគ្រោះ

លោក ហង្ស វណ្ណៈ
ប្រធានអង្គភាពគាំពារជនរងគ្រោះ
សារអេឡិចត្រនិចៈ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។

រហូតមកដល់ពេលនេះ មានជំនួយជ្រោមជ្រែងយ៉ាងច្រើនសម្រាប់គម្រោងសំណងដែលដើមបណ្តឹងរដ្ឋប្បវេណី បានស្នើសុំនៅក្នុងសំណុំរឿង ០០២/០១ ប៉ុន្តែក៏នៅមានកង្វះខាតមូលនិធិនៅឡើយ ដូច្នេះនៅតែមានឱកាសផ្សេងៗដែលម្ចាស់ជំនួយសក្តានុពល អាចចូលរួមជួយសម្រេចគម្រោងទាំងនេះ ដែលនឹងផ្តល់ប្រយោជន៍ដល់ជនរងគ្រោះរបបកម្ពុជាប្រជាធិបតេយ្យពីឆ្នាំ ១៩៧៥ ដល់ ឆ្នាំ ១៩៧៩។

ដោយសហការយ៉ាងជិតស្និទ្ធជាមួយនឹងស្ថានប័នរដ្ឋាភិបាល និងអង្គការក្រៅរដ្ឋាភិបាល  អង្គភាពគាំពារជនរងគ្រោះ និងសហមេធាវីនាំមុខតំណាងដើមបណ្តឹងរដ្ឋប្បវេណី នៅអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) បច្ចុប្បន្ននេះកំពុងតែដឹកនាំកិច្ចខិតខិប្រឹងប្រែងថ្មីមួយដើម្បីជួសជុល ព្យសនកម្មដល់ជនរងគ្រោះដែលនៅមានជីវិតពីរបបខ្មែរក្រហម។អ.វ.ត.កគឺជាតុលាការដំបូងបំផុតដែល អនុញ្ញាតឲ្យជនរងគ្រោះចូលរួមផ្ទាល់ក្នុងនាមជាភាគីនៅក្នុងកិច្ចដំណើរការនីតិវិធី។ តាមក្របខ័ណ្ឌច្បាប់ដែលចែងអំពីកិច្ចដំណើរការនីតិវិធីរបស់ អ.វ.ត.ក ដើមបណ្តឹងរដ្ឋប្បវេណី អាចស្វែងរកសំណងផ្លូវចិត្ត និងសមូហភាព។ បន្ថែមពីលើនេះទៀត អង្គភាពគាំពារជនរងគ្រោះមានភារកិច្ចបង្កើត និងអនុវត្តវិធានការក្រៅប្រព័ន្ធតុលាការដើម្បីបម្រើប្រយោជន៍របស់ជនរងគ្រោះឲ្យបានកាន់តែច្រើនថែមទៀត។ នាពេលថ្មីៗនេះ អង្គជំនុំជម្រះសាលាដំបូង បានសម្រេចកាលបរិច្ឆេទកំណត់គឺនៅត្រឹមថ្ងៃទី ៣១ ខែ មីនា ឆ្នាំ ២០១៤ ដែលដើមបណ្តឹងរដ្ឋប្បវេណី ត្រូវតែដាក់ឯកសារ និងព័ត៌មានណាបន្ថែម ទៀតស្តីពីគម្រោងសំណងដែលខ្លួនស្នើសុំនៅក្នុងសំណុំរឿង ០០២/១ រួមមានបច្ចុប្បន្នភាពអំពីមូលនិធិ ជាដើម។ ដើមបណ្តឹងរដ្ឋប្បវេណី ស្នើតុលាការ សុំទទួលស្គាល់គម្រោងសំណងចំនួន ១៣ គម្រោងនៅក្នុងសំណុំរឿង ០០២/១ ដែលបំណងទទួលស្គាល់ជនរងគ្រោះរបបខ្មែរក្រហម ដើម្បីកាត់បន្ថយ ព្យសនកម្ម និង ការឈឺចាប់ដែលជនរងគ្រោះបានជួបប្រទះ។ សូមមើលតារាងដែលបានភ្ជាប់ជូនទាក់ទិននឹងព័ត៌មានអំពីសំណើគម្រោងទាំង ១៣ ដែលបានដាក់ជូនអង្គជំនុំជម្រះសាលាដំបូង។

ក្នុងករណីផ្តន្ទាទោសជនជាប់ចោទ អង្គជំនុំជម្រះសាលាដំបូង អាចផ្តល់សំណងផ្លូវចិត្ត និងសមូហភាព ដល់ដើមបណ្តឹងរដ្ឋប្បវេណីនៅក្នុងសាលក្រមរបស់ខ្លួន ប្រសិនបើលក្ខខណ្ឌមួយចំនួនត្រូវបានបំពេញ ដោយក្នុងចំណោមនោះរួមមានលក្ខខណ្ឌតម្រូវឲ្យរៀបចំឯកសារអំពីភាពគ្រប់គ្រាន់នៃមូលនិធិពីខាងក្រៅសម្រាប់គម្រោងនីមួយៗដែលបានស្នើសុំ។ ដោយសារកាលបរិច្ឆេទកំណត់ត្រឹមខែមីនាដែលខិត កាន់តែជិតហើយនោះ ទើប អង្គភាពគាំពារជងរងគ្រោះ សូមឆ្លៀតយកឱកាសនេះដើម្បីជម្រាបជូន សាធារណជន អំពីសមិទ្ធិផលដែលទទួលបានរហូតមកបច្ចុប្បន្ននេះ ហើយសូមស្នើសុំមូលនិធិស្ម័គ្រចិត្ត បន្ថែមទៀតសម្រាប់ឧបត្ថម្ភដល់គម្រោងសំណងដែលដើមបណ្ដឹងរដ្ឋប្បវេណីបានស្នើសុំ។

ទោះបីជាមានជំនួយជ្រោមជ្រែងយ៉ាងច្រើនផ្នែកផ្លូវចិត្ត នយោបាយ និងហិរញ្ញវត្ថុពីសហគមន៍ម្ចាស់ជំនួយអន្តរជាតិ រាជរដ្ឋាភិបាលកម្ពុជា និងអង្គការសង្គមស៊ីវិលកម្ពុជាយ៉ាងណាក៏ដោយ ក៏នៅតែមានឱកាសជាច្រើនទៀតដែលម្ចាស់ជំនួយសក្តានុពលអាចចូលរួមជួយសម្រេចគម្រោងសំណងដែលបានស្នើសុំ។ តាមរយៈការផ្តល់ជំនួយជ្រោមជ្រែងផ្នែកហិរញ្ញវត្ថុដល់គម្រោងទាំងនេះ ម្ចាស់ជំនួយអាចជឿជាក់ប្រាកដថា ការចូលរួមចំណែករបស់ខ្លួន ត្រូវបានប្រើប្រាស់សម្រាប់គម្រោងដែលបង្កើត និងបង្កើនជាអតិបរមានូវប្រយោជន៍ផ្ទាល់ និងយូរអង្វែងសម្រាប់ដើមបណ្តឹងរដ្ឋប្បវេណី និងជនរងគ្រោះនៅទូទាំងប្រទេសកម្ពុជា។

គម្រោងមួយចំនួនមិនទាន់មានមូលនិធិនៅឡើយទេ ដូច្នេះ អាចមានហានិភ័យថា តុលាការនឹងមិនទទួលស្គាល់ ឬមិនអាចអនុវត្តបាន។ ជំនួយមូលនិធិត្រូវបានស្នើដោយផ្អែកលើអាទិភាពនៃគម្រោងទាំងនេះ ដូចជា គំនិតផ្តួចផ្តើមអំពីការចងចាំសាធារណៈ គម្រោងបោះពុម្ពផ្សាយ និងចែកចាយសាលក្រម សំណុំរឿង ០០២/០១ ជូនជនរងគ្រោះ ជាសាលក្រមទាំងស្រុង និងសម្រង់សង្ខេប។ គម្រោងសំណងមួយចំនួនបានទទួលមូលនិធិរួចហើយ ប៉ុន្តែនឹងទទួលបាន ប្រយោជន៍ពីមូលនិធិបន្ថែមទៀតដែលនឹងត្រូវប្រើប្រាស់ដើម្បីពង្រីកវិសាលបន្ថែមទៀត និងបង្កើតប្រយោជន៍គម្រោងផងដែរ។ ក្នុងចំណោម គម្រោងទាំងនេះរួមមាន គម្រោងព្យាបាលតាមរយៈការផ្តល់សក្ខី ក្រុមជួយខ្លួនដើម្បីស្តានីតិសម្បទា ការតាំងពិព័រណ៍ ចល័ត និងអចិន្ត្រៃយ៍។

សូមម្ចាស់ជំនួយសក្តានុពល ធ្វើការទំនាក់ទំនងជាមួយអង្គភាពគាំពារជនរងគ្រោះ ដើម្បីទទួលបានព័ត៌មានបន្ថែម និងការជួបពិភាក្សាដោយមានបទបង្ហាញ។

អង្គភាពគាំពារជនរងគ្រោះ គឺជាអង្គភាពផ្លូវការមួយរបស់ អ.វ.ត.ក ហើយមានភារកិច្ចសម្របសម្រួលឲ្យជនរងគ្រោះចូលរួមនៅក្នុងកិច្ចដំណើរការនីតិវិធីរបស់ អ.វ.ត.ក លើកលែងតែតំណាងផ្លូវច្បាប់។ អង្គភាពនេះក៏មានភារកិច្ចស្វែងរកមូលនិធិ និងជំនួយជ្រោមជ្រែងពីខាងក្រៅ ហើយដោយសហការយ៉ាងជិតស្និទ្ធិជាមួយនឹងសហមេធាវីនាំមុខតំណាងដើមបណ្តឹងរដ្ឋប្បវេណី អង្គភាពនេះមានភារកិច្ចកំណត់ រៀបចំ និងអនុវត្តគម្រោងសំណងផ្សេងៗ។

​ឯកសារភ្ជាប់ F28_KH.PDF (37.01 MB)

លេខ​ឯកសារ F28

កាលបរិច្ឆេទបង្កើត ថ្ងៃទី ០៣ ខែកុម្ភៈ ឆ្នាំ២០១២

ករណី ករណី​០០១  

ជន​ជាប់​ចោទ កាំង ហ្កេកអ៊ាវ  

សាលក្រម  

ចេញ​ផ្សាយ​ដោយ អង្គជំនុំជម្រះតុលាការកំពូល  

ទារុណកម្ម  អញ្ញត្រកម្ម  ឧក្រិដ្ឋកម្ម​ប្រឆាំង​នឹង​មនុស្ស​ជាតិ

ដើម្បីឲ្យ​ឯកសារ​​ចងក្រង​​អំពី​ពាក្យ​សុំ​អភ័យទោស​របស់ កាំង ហ្គេកអ៊ាវ ហៅ ឌុច ត្រូវបាន​ផ្សព្វផ្សាយ​ដល់​សាធារណជន​កម្ពុជា ផ្នែក​កិច្ចការ​សាធារណៈ​នៃ​អង្គជំនុំជម្រះ​វិសាមញ្ញ​ក្នុង​តុលាការ​កម្ពុជា (អ.វ.ត.ក) បាន​ចាប់ផ្តើម​កិច្ច​សហប្រតិបត្តិការ​ជាមួយ​កាសែត​មួយ​ចំនួន សារព័ត៌មាន​តាម​អ៊ិនថឺនែត វិទ្យុ និងទូរទស្សន៍ ដើម្បី​ផ្សព្វផ្សាយ​ដោយ​ឥត​គិតថ្លៃ នូវ​ឯកសារ​ចងក្រងស្តីអំពី​ពាក្យ​សុំ​អភ័យទោស ដោយ​ពេញលេញ​ឬ​ដោយ​សង្ខេប។

ការចែក​ផ្សាយ​ឯកសារ​នេះ​ធ្វើឡើង​បន្ទាប់ពី​ការ​ប្រកាស​សាលដីកា​លើ​បណ្តឹង​សាទុក្ខ​ក្នុង​សំណុំរឿង ០០១ ដែល​បាន​ប្រព្រឹត្តទៅ​កាលពី​ថ្ងៃទី៣ ខែកុម្ភៈ ឆ្នាំ២០១២ នៅក្នុងនោះ អង្គជំនុំជម្រះ​តុលាការ​កំពូល​បាន​ទទួលស្គាល់​សេចក្តី​សម្រេច​របស់​អង្គជំនុំជម្រះ​សាលាដំបូង​ដែល​រៀបចំ​ឲ្យមាន​ការ​ចងក្រង​និង​ផ្សព្វផ្សាយ​នៅលើ​គេហទំព័រ​របស់ អ.វ.ត.ក នូវ​ពាក្យ​សុំ​អភ័យទោស​របស់ កាំង ហ្គេកអ៊ាវ ហៅ ឌុច នៅក្នុង​អំឡុងពេល​សវនាការ បូករួម​ទាំង​សវនាការ​លើ​បណ្តឹង​ឧទ្ធរណ៍​ផង។

នៅថ្ងៃទី២១ ខែកុម្ភៈ ឆ្នាំ២០១២ សារព័ត៌មានប្រចាំថ្ងៃ ដើមអំពិល និងកម្ពុជាថ្មី បានចាប់ផ្តើម​បោះពុម្ពផ្សាយ​ផ្នែក​ដំបូង​នៃពាក្យ​សុំអភ័យទោស ហើយនឹង​បន្ត​បោះពុម្ព​ផ្នែក​ដែល​នៅ​សេសសល់​ជា​បន្តបន្ទាប់​ទៀត។

សារព័ត៌មាន​តាម​អ៊ីនថឺនែត​មួយចំនួន ដូចជា ខេមបូឌា អិចប្រេស ញូវ និង ដើមអំពិល ញូវ ក៏បាន​ផ្សាយ​ទាំងស្រុង​នូវ​ពាក្យ​សុំអភ័យទោសនេះ ហើយ​ស្ថានីយ៍​ទូរទស្សន៍អប្សារា បាយ័ន និងហង្សមាស ក៏បាន​ចាប់ផ្តើម​ចាក់ផ្សាយ​​ពាក្យ​សុំ​អភ័យទោស​ជាសំឡេង​និង​ជា​វីដេអូ។

សារព័ត៌មាន​ប្រចាំថ្ងៃ​ចំនួន៣ទៀត គឺសារព័ត៌មានរស្មីកម្ពុជា ភ្នំពេញប៉ុស្តិ៍ភាសាខ្មែរ និងកោះសន្តិភាព ក៏នឹង​បោះពុម្ពផ្សាយ​សេចក្តី​សង្ខេប​នៃ​ពាក្យ​សុំអភ័យទោស​នេះ​នៅ​ថ្ងៃ​ខាងមុខ​ទៀតដែរ។

នៅពេល​ឆាប់ៗ​ខាងមុខ អង្គភាព​គាំពារ​ជនរងគ្រោះ​និង​ផ្នែក​កិច្ចការ​សាធារណៈ​នៃ អ.វ.ត.ក ក៏នឹង​ចែកចាយ​ឯកសារនេះ​ក្នុង​ទម្រង់ជា​សៀវភៅ។ ឯកសារ​សុំអភ័យទោស​ជាវីដេអូ​និង​ជា​សំឡេង​ក៏នឹង​ត្រូវយក​ទៅចាក់​បញ្ចាំង​ជូន​ប្រជាពលរដ្ឋ​នៅ​តាម​បណ្តាខេត្ត​នានា តាមរយៈ​កម្មវិធី រាត្រីនៃការចងចាំ របស់​ផ្នែក​កិច្ចការ​សាធារណៈ​នៃ អ.វ.ត.ក។ កិច្ចការ​នេះ​នឹង​ចាប់ផ្តើម​ពីថ្ងៃទី២២ ខែកុម្ភៈ ឆ្នាំ២០១២នេះ នៅខេត្ត កំពង់ធំ ដែលជា​ខេត្តកំណើត​របស់ កាំង ហ្គេកអ៊ាវ ហៅ ឌុច។

ឯកសារ​ចងក្រង​នេះ​ក៏​អាច​ទាញ​យក​បាន​ពី​គេហទំព័រ​របស់ អ.វ.ត.ក តាមអាសយដ្ឋានខាងក្រោម៖
http://www.eccc.gov.kh/document/court/16800