ភាសាខ្មែរភាសាអង់គ្លេស
Home ទំព័រដើម ព័ត៌មានថ្មីៗ
ព័ត៌មានថ្មីៗ


អាល្លឺម៉ង់​ផ្តល់ជំនួយ ​១,២ ​លានអឺរ៉ូ​ដល់អង្គភាព​​គាំពារជនរងគ្រោះ​នៃអង្គជំនុំជម្រះ​វិសាមញ្ញ​ក្នុងតុលាការ​កម្ពុជា ​(អ.វ.ត.ក)​

សាធារណរដ្ឋ​​សហព័ន្ធអាល្លឺម៉ង់ ​តាមរយៈក្រសួង​ការបរទេស​បានចុះហត្ថលេខា​នៅ​ថ្ងៃនេះ ​លើលិខិតយល់ព្រម​ផ្តល់ជំនួយ​នូវថវិកា​ចំនួន ​១,២ ​លានអឺរ៉ូ ​ដល់អង្គភាព​គាំពារ​ជនរងគ្រោះ​នៃអង្គជំនុំជម្រះ​វិសាមញ្ញ​ក្នុងតុលាការកម្ពុជា ​(អ.វ.ត.ក)។​ នេះគឺជា​ជំនួយលើក​ទីបួនហើយ ​ចាប់តាំងការ​បដិសន្ធិនៃ​ អង្គភាព​គាំពារជន​រងគ្រោះ​នៅឆ្នាំ២០០៨​។

នៅក្នុងពិធី​ចុះហត្ថលេខា​លើលិខិត​យល់ព្រមនៅព្រឹកនេះ​នៅ ​អ.វ.ត.ក​ ឯកឧត្តម​ ហូស ​ទ្រីល័រ​ ភារធារី​ នៃស្ថានទូត​សាធារណរដ្ឋ​សហព័ន្ធអាល្លឺម៉ង់​ប្រចាំ​ព្រះរាជា​ណាចក្រកម្ពុជា​សម្តែងការ​គាំទ្រយ៉ាងពេញ​ទំហឹង​ចំពោះ​ការងារ​របស់អ.វ.ត.ក​ និងប្រកាស​ផ្តល់ជំនួយ​អាល្លឺម៉ង់​ដល់អង្គភាព​គាំពារជន​រងគ្រោះ។

ប្រធានរដ្ឋ​បាលស្តីទីនៃ ​អ.វ.ត.ក ​ឯកឧត្តម ​ក្រាញ់ ​តូនី ​សម្តែង​សេចក្តី​អំណរគុណនិ​ងក្តីសោមនស្ស​រីករាយ​យ៉ាងក្រៃលែង​ ចំពោះទំនាក់ទំនង​ក៏កក់ក្តៅ​និង​ការឧបត្ថម្ភ​គាំទ្រ​ដែលប្រជាជន​និងរដ្ឋាភិបាល​អាល្លឺម៉ង់​បា​នផ្តល់​ដល់ជនរងគ្រោះ​កម្ពុជា​នៃរបបខ្មែរ​ក្រហម ​ដែលកំពុង​តែខំប្រឹងប្រែង​ស្វែងរកយុត្តិធម៌​ ព្យាបាល​ការឈឺចាប់​ពីអតីតកាល ​និងស្តារឡើងវិញ​តម្លៃរបស់ខ្លួន​ តាមរយៈការចូលរួម​ក្នុងដំណើរការ​នីតិវិធីនៃ ​អ.វ.ត.ក។

ថវិកា​ដែលទទួល​បានមកនេះ​នឹងត្រូវប្រើប្រាស់​សម្រាប់ដំណើរការ​គម្រោង​សម្រាប់​រយៈពេលចន្លោះ​ឆ្នាំ ២​០១២-២០១៣ ​និងផ្តោត​ទៅលើ៖​ (១) ​ការធ្វើជា​តំណាង​ផ្លូវច្បាប់ ​(២) ​ការលើកកម្ពស់​ការចូលរួម​របស់ជនរងគ្រោះ ​និង ​(៣) ​ការផ្សព្វផ្សាយ​ព័ត៌មាន​។

ចាប់តាំងពី​ អ.វ.ត.ក​ ត្រូវបាន​បង្កើតនា​ឆ្នាំ២០០៦ ​រហូតដល់ឆ្នាំ​២០១១ ​អាល្លឺម៉ង់បាន​ផ្តល់ជំនួយ​ថវិកា​ប្រមាណ​១,៩ ​លានអឺរ៉ូ​ ដល់អង្គភាព​គាំពារ​ជនរង​គ្រោះ​ក្នុងគោល​បំណងលើក​កម្ពស់ការ​ចូលរួមរបស់​ជនរងគ្រោះ​នៅក្នុងដំណើរការ​នីតិវិធីរបស់ ​អ.វ.ត.ក។​ ជារួម ​អាល្លឺម៉ង់​បានផ្តល់ជំនួយ​សរុបជិត ​១០ ​លានអឺរ៉ូ ​ដល់ភាគីទាំង​ពីរនៃ ​អ.វ.ត.ក​៕

 
ព័ត៌មាន​​សំខាន់​ៗ​ទាក់ទង​​នឹង​​ការ​ប្រកាស​សាលដីកា ឌុច

អង្គជំនុំជម្រះ​តុលាការ​កំពូល​នឹងប្រកាស​សាលដីកា​លើសំណុំរឿង ០០១​ ប្រឆាំងនឹង កាំង ហ្កេកអ៊ាវ ហៅ ឌុច នៅថ្ងៃទី៣ ខែកុម្ភៈ ឆ្នាំ២០១២ វេលាម៉ោង ១០:០០ ព្រឹក។ នៅលើទំព័រនេះ លោកអ្នកអាចរកបានព័ត៌មានសំខាន់ៗ​ទាក់ទងនឹង​ដំណើរការនេះ ៖

- ប្រតិចារិក​​នៃ​​សវនាការ​​លើ​បណ្តឹង​​សាទុក្ខ
- ព័ត៌មាន​​អំពី​​សំណុំរឿង ០០១
- ព័ត៌មាន​​អំពី​​ជនជាប់ចោទ
- ប្រវត្តិរូប​សង្ខេប​របស់​ចៅក្រម​នៃ​អង្គជំនុំជម្រះ​តុលាការ​កំពូល សហ​ព្រះរាជអាជ្ញា មេធាវី​ការពារក្តី និង មេធាវី​តំណាង​ដើមបណ្តឹង​រដ្ឋប្បវេណី

សម្រាប់​ឯកសារ​ច្បាប់​នានា​ដែល​ពាក់ព័ន្ធ​នឹង​សំណុំរឿង ០០១ សូម​រកមើល​នៅផ្នែក​ខាងស្តាំ​នៃទំព័រនេះ។
ប្រភពៈ http://www.eccc.gov.kh/articles/16596

 
ព័ត៌មាន​ស្តីពី​ការ​ចូលរួម​របស់សាធារណជន​ និង​​ប្រព័ន្ធ​ផ្សព្វផ្សាយ​ព័ត៌មាននៅ​ក្នុង​​សវនាការ​ប្រកាស​សាលដីកា​លើបណ្តឹង​សាទុក្ខ​​នៅ​ក្នុងសំណុំរឿង​​ប្រឆាំងនឹង​ កាំង ហ្កេកអ៊ាវ​ ហៅ ​ឌុច​

អង្គជំនុំជម្រះ​តុលាការកំពូល​នៃអង្គជំនុំ​ជម្រះវិសាមញ្ញ​​ក្នុងតុលាការ​កម្ពុជា​ (អ.វ.ត.ក)​ បានប្រកាសថា​ អង្គជំនុំជម្រះ​ នឹងធ្វើការប្រកាស​សាល​ដីកា​លើបណ្តឹងសាទុក្ខ​​​នៅ
ក្នុង​​​សំណុំរឿង ​០០១ ​ប្រឆាំងនឹង​ កាំង ហ្កេកអ៊ាវ​ ហៅ ឌុច​ នៅថ្ងៃសុក្រ​ ទី ៣​ ខែ ​កុម្ភៈ ឆ្នាំ ​២០១២​ វេលាម៉ោង​ ១០ ព្រឹក​។

អង្គជំនុំជម្រះ​សាលាដំបូង​បានសម្រេច​អំពីពិរុទ្ធភាព​​លើ ​កាំង ហ្កេកអ៊ាវ​ ហៅ ឌុច​ អំពីបទឧក្រិដ្ឋកម្ម​ប្រឆាំងនឹង​​មនុស្សជាតិ​ និងការបំពារ​បំពានយ៉ាង​ធ្ងន់ធ្ងរ​លើ​អនុសញ្ញា​ទីក្រុង​ហ្សឺ​ណែវ​ ឆ្នាំ ១៩៤៩​ នៅក្នុងសាលក្រម​ដែល​បានប្រកាស​នៅថ្ងៃទី​ ២៦ ​ខែ កក្កដា​ ឆ្នាំ ​២០១០។​ គាត់ត្រូវបាន​ផ្តន្ទាទោស​​ឲ្យជាប់​ពន្ធនាគារ​រយៈពេល​ ៣៥ឆ្នាំ។​ ជន​ជាប់ចោទ​ សហ​ព្រះរាជ​អាជ្ញា​ និងដើមបណ្តឹង​​រដ្ឋប្បវេណី​ ក្រុម ១​ ក្រុម ២​ និងក្រុម​ ៣ ​បានដាក់បណ្តឹង​​សាទុក្ខប្រឆាំង​នឹងសាលក្រម​​របស់​អង្គជំនុំជម្រះ​សាលាដំបូង។​ សវនាការ​លើ​បណ្តឹង​​សាទុក្ខ​បាន​ប្រព្រឹត្ត​ទៅ​នៅចំពោះមុខ​អង្គជំនុំជម្រះ​តុលាការ​កំពូល​ពីថ្ងៃទី​ ២៨ ​ដល់ថ្ងៃទី​ ៣០ ​ខែ មីនា​ ឆ្នាំ ២០១១​។

ព័ត៌មាន​សម្រាប់អ្នក​មកទស្សនា​នៅតុលាការ​
កន្លែង​អង្គុយ​ចំនួន ​៤៨២ នៅ​ក្នុងសាលសវនាការសាធារណៈ ​ត្រូវបាន​ត្រៀម​បែងចែក​ទុក​ដូចខាងក្រោមៈ

១. ដើមបណ្តឹង​រដ្ឋប្បវេណី​ និងតំណាងផ្នែកច្បាប់​ ក្នុងសំណុំរឿង​ ០០១​
កន្លែង​អង្គុយ​ចំនួន ​១០០ ត្រូវ​បានត្រៀមទុក​សម្រាប់ដើមបណ្តឹង​រដ្ឋប្បវេណី​ ដែលត្រូវ​បាន​សម្រួល​ដោយ​ផ្នែក​គាំពារ​ជនរងគ្រោះ​ និងអង្គការ​អន្តរការី​​នានា​ និង​សម្រាប់​​តំណាង​ផ្នែក​ច្បាប់​​របស់ពួកគាត់។​ កន្លែងអង្គុយណា​​ដែលមិនទាន់​​មាន​អ្នកអង្គុយ​ នៅត្រឹមម៉ោង ​៩:៤៥ ​នាទីព្រឹក​ នឹង​ត្រូវ​ផ្តល់​ជូនទៅឲ្យ​​សាធារណជន​ទូទៅ។​

២. មន្ត្រីទូត​ តំណាង​រដ្ឋាភិបាល​ និងមិត្ត​របស់ ​អ.វ.ត.ក​
កន្លែង​អង្គុយចំនួន​ ៥០ ​ត្រូវបានត្រៀមទុក​​សម្រាប់​ក្រុម​នេះ។​ សូមចុះឈ្មោះ​​កក់​កន្លែង​ទុក​ជាមុន​ តាមរយៈ​ការផ្ញើសារ​អេឡិចត្រូនិកទៅ​ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។ ។​ ការ​ចុះឈ្មោះ​កក់កន្លែង​ទុកជាមុន​នឹង​ផុតកំណត់​នៅថ្ងៃ​ សុក្រ ទី​ ២៧ ខែ មករា​ ឆ្នាំ ២០១២​ វេលាម៉ោង​ ៤ ​រសៀល។​ កន្លែង​អង្គុយណា​​ដែលមិនមាន​​អ្នកអង្គុយ​ នៅត្រឹម​ម៉ោង ​៩:៤៥ នាទី​ នឹង​ត្រូវ​ផ្តល់​​ជូនទៅឲ្យ​សាធារណជនទូទៅ​។

៣. តំណាង​អង្គការ​ក្រៅរ​ដ្ឋាភិបាល​
កន្លែង​​អង្គុយ​ចំនួន ​៥០ ​ត្រូវបានត្រៀម​ទុកសម្រាប់​អង្គការ​ក្រៅ​រដ្ឋាភិបាល​​ដែលមានកម្មវិធី​ពាក់ព័ន្ធ​នឹង ​អ.វ.ត.ក។​  សូមចុះឈ្មោះ​កក់កន្លែងទុក​​ជាមុន។​ សំណើសុំ​ចុះ​ឈ្មោះ​កក់កន្លែង​អង្គុយ​​ទុកជាមុន​ត្រូវ​ផ្ញើតាមរយៈសារ​អេឡិចត្រូនិក​ទៅ ​ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។ ​ឲ្យបានត្រឹមថ្ងៃ​ សុក្រ​ ទី ២៧ ខែ មករា​ ឆ្នាំ ២០១២​ វេលាម៉ោង ៤ ​រសៀល។

បន្ទាប់ពី​ថ្ងៃ​​ផុតកំណត់​សម្រាប់​​សំណើ​​សុំកន្លែង​អង្គុយ ​និងអាស្រ័យលើ​ចំនួនសរុប​នៃ​សំណើសុំចុះឈ្មោះ​កក់កន្លែង​ទុក​ជាមុន​ អ.វ.ត.ក​ នឹងជូន​ដំណឹងដល់អង្គការ​​ក្រៅ​​រដ្ឋាភិបាល​នីមួយៗ​​អំពីចំនួន​កន្លែង​អង្គុយដែល​​ត្រូវបាន​បម្រុងទុក​។ ប្រសិន​បើ​​សំណើសុំ​មាន​ចំនួនលើស​​ពីចំនួនកន្លែង​អង្គុយ​សរុប​ ដែលត្រូវបាន​ត្រៀម​​ទុក ​អ.វ.ត.ក​ នឹងត្រៀម​​កន្លែង​អង្គុយ​ ដោយយោង​តាមសិទ្ធិអាទិភាព​ខាងក្រោមៈ
១. បុគ្គលិក​អង្គការក្រៅរដ្ឋាភិបាលដែលមកពីអង្គការ​អន្តរការី
២. បុគ្គលិកអង្គការក្រៅរដ្ឋាភិបាល ដែលមានការពាក់ព័ន្ធនៅក្នុងកម្មវិធីឃ្លាំមើល​តុលាការទៀងទាត់
៣. អង្គការក្រៅរដ្ឋាភិបាលដែលមានវត្តមានទៀងទាត់ នៅក្នុងអំឡុង​ពេលសវនាការ​មុនៗ
៤. ផ្សេងៗទៀត

កន្លែងអង្គុយណាដែល​មិនមានអ្នកអង្គុយ នៅត្រឹមម៉ោង ៩:៤៥ នាទី នឹង​ត្រូវប្រគល់ឲ្យសារធារណជនទូទៅ។

៤. តំណាង​ប្រព័ន្ធផ្សព្វផ្សាយព័ត៌មាន
កន្លែង​អង្គុយចំនួន ​២០ នៅក្នុងសាល​សវនាការ​​ត្រូវបាន​​ត្រៀម​បម្រុង​ទុក​សម្រាប់​តំណាង​​ប្រព័ន្ធផ្សព្វផ្សាយ​​សារព័ត៌មាន។​ សិទ្ធិអាទិភាព​នឹង​ត្រូវ​បាន​​ផ្តល់ឲ្យ​តំណាង​​ប្រព័ន្ធ​ផ្សព្វផ្សាយ​ផ្នែកបោះ​ពុម្ពផ្សាយ។ ​សូមចុះឈ្មោះ​​កក់កន្លែងទុក​ជាមុន។ ​សំណើ​សុំចុះឈ្មោះ​កក់​កន្លែងអង្គុយ​​ទុកជាមុន ​ត្រូវផ្ញើតាម​រយៈសារអេឡិចត្រូនិក​ទៅ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។ ​ឲ្យបានត្រឹមថ្ងៃ​ សុក្រ ទី ២៧ ខែ មករា​ ឆ្នាំ ២០១២ ​វេលាម៉ោង ​៤ ​រសៀល។​ តំណាងប្រព័ន្ធផ្សព្វផ្សាយ​ព័ត៌មាន​ដែលនៅ​​សេសសល់​ នឹងត្រូវ​​បានផ្តល់​​កន្លែងអង្គុយ ​នៅ​បន្ទប់​សារ​ព័ត៌មាន ​C105​ នៅជាន់ផ្ទាល់​ដី​នៃ​អគារតុលាការ​។
៥. ក្រុមនានា
កន្លែង​អង្គុយចំនួន ​២១២ នឹងត្រូវបាន​​ត្រៀម​បម្រុងទុកសម្រាប់​​ក្រុមនានា​ដែល​ត្រូវបាន​រៀបចំដោយ​ផ្នែក​កិច្ចការសាធារណៈ​របស់ ​អ.វ.ត.ក ​និងអង្គការ​​ដៃគូនានា​។ កន្លែង​អង្គុយណា​ដែល​​មិនមាន​អ្នកអង្គុយ ​នៅត្រឹមម៉ោង​ ៩:៤៥ ​នាទី ​នឹងត្រូវបែងចែក​ទៅ​ឲ្យសាធារណជន​ទូទៅ។​
៦. សាធារណជនទូទៅ
កន្លែង​​អង្គុយចំនួន​ ៥០ ​ត្រូវបានត្រៀម​​បម្រុងទុក​សម្រាប់​សាធារណជន​​ទូទៅ ​ហើយនឹងត្រូវ​ផ្តល់​ជូនដោយ​ ផ្អែកលើ​គោលការណ៍​​ដែលថា ​អ្នកមកមុន​ នឹងទទួល​​បាន​កន្លែង​អង្គុយ​មុន​។

ទ្វាររបង​នៅច្រកចូលអ្នកមកទស្សនានៅ​តុលាការ បើកនៅម៉ោង ៧ ព្រឹក។ អ.វ.ត.ក ណែនាំអ្នកមកទស្សនានៅ តុលាការឲ្យមកដល់​នៅច្រកទ្វារសន្តិសុខ​ឲ្យបានឆាប់ ដើម្បីទុកពេលវេលាឲ្យបានគ្រប់គ្រាន់​សម្រាប់សន្តិសុខធ្វើការ ត្រួតពិនិត្យ និងចេញសំបុត្រឲ្យ។ ទ្វារចូលទៅកាន់បន្ទប់​សវនាការនឹងបិទ​ត្រឹមម៉ោង ៩:៤៥នាទីព្រឹក ឬនៅពេលដែល កន្លែង​អង្គុយទាំងអស់​នៅក្នុងសាលសវនាការមានមនុស្ស​អង្គុយពេញ។

សូមធ្វើការ​ណែនាំថា រាល់អ្នកមកទស្សនានៅតុលាការ​ទាំងអស់ត្រូវបង្ហាញអត្តសញ្ញាណប័ណ្ណ​សម្គាល់ខ្លួន (ដែលមានបិទរូបថត) នៅច្រកទ្វារចូល។ ពុំអនុញ្ញាត​ឲ្យអ្នក​ដែល​មាន​អាយុ​ក្រោម ១៦ឆ្នាំ ចូលទៅកាន់តុលាការទេ រីឯអ្នកដែលមានអាយុ​ចាប់ពី ១៦ឆ្នាំ ដល់ ១៨ឆ្នាំ នឹងត្រូវ​បានអនុញ្ញាតឲ្យចូលទៅកាន់តុលាការបាន លុះត្រាតែ មានអា​ណា​ព្យាបាលដែល​ជា​នីតិជនមកជាមួយ។ អ្នកមកទស្សនា​នៅ​តុ​លាការត្រូវរក្សាសេចក្តីថ្លៃថ្នូរ និងអត្តចរិត សមរម្យជានិច្ច និង​ត្រូវស្លៀកសម្លៀក​បំពាក់​សមរម្យ។ ពុំ​អនុញ្ញាត​ឲ្យ​យក​ទូរសព្ទដៃ កាបូបធំៗ អាហារ ឬភេសជ្ជៈ ចូលទៅ​ក្នុង​សាលសវនាការ​ឡើយ។

អ.វ.ត.ក មានទីតាំងស្ថិតនៅក្នុង​សង្កាត់ចោមចៅ រាជធានីភ្នំពេញ ដែលមានចម្ងាយ ១៦ គីឡូមែត្រ ពីរាជធានីភ្នំពេញ ស្ថិត​នៅតាមបណ្តោយ​ផ្លូវជាតិ​លេខ ៤ ឆ្ពោះ​ទៅ​កាន់​ខេត្ត​ព្រះសីហនុ។ សូមសាធារណជន និងអ្នកសារព័ត៌មាន  ចូល​តាមច្រកទ្វារសម្រាប់​អ្នកមកទស្សនានៅតុលាការ ដែលស្ថិត​នៅប៉ែកខាងកើត​នៃបរិវេណតុលាការ។ មា​ន​ចំណត រថយន្ត​សម្រាប់​អ្នកមកទស្សនាតុលាការ ដោយរថយន្ត​ផ្ទាល់ខ្លួន។

ការចុះឈ្មោះ​សុំប័ណ្ណព័ត៌មានសម្រាប់អ្នក​សារព័ត៌មាន
អ្នកសារព័ត៌មានដែលមានបំណងចូលរួម​តាមដានសវនាការ​ប្រកាសសាលដីកា នៅអ.វ.ត.ក នៅថ្ងៃទី ៣ ខែ កុម្ភៈ ឆ្នាំ ២០១២ ត្រូវ​តែមានប័ណ្ណសម្រាប់​អ្នកសារព័ត៌មាន និង​ត្រូវ​ចុះ​ឈ្មោះ​ជាមុន។ សូមអនុវត្តតាមនីតិ​វិធីខាងក្រោម ដើម្បីសុំ​ប័ណ្ណអនុញ្ញាតចូលក្នុង​អ.វ.ត.ក។
ក) អ្នកសារព័ត៌មានដែល​កំពុងកាន់ប័ណ្ណព័ត៌មាន​មានសុពលភាព​ជាផ្លូវការ​របស់ អ.វ.ត.ក ត្រូវចុះឈ្មោះ​នៅផ្នែកកិច្ចការ​សាធារណៈ តាមរយៈការផ្ញើសារ​អេឡិចត្រូនិក​ទៅ pas@​eccc.gov.kh។
ខ) អ្នកសារព័ត៌មានដែលមានប័ណ្ណ​ព័ត៌មានជាផ្លូវការ​របស់ អ.វ.ត.ក ប៉ុន្តែផុតកំណត់ ត្រូវបំពេញទម្រង់បែបបទ​សុំប័ណ្ណព័ត៌មានសាជាថ្មី ដោយមានចុះ​ហត្ថលេខាផង និងផ្ញើ​មក​ជាមួយ​នឹងសំណើសុំចុះឈ្មោះតាមរយៈការផ្ញើសារអេឡិចត្រូនិកទៅ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។ ។ សូម​កុំភ្លេចបញ្ជាក់លេខប័ណ្ណចាស់​ដែលផុតកំណត់ផង។
គ) អ្នកសារព័ត៌មានដែលមិនទាន់​មានប័ណ្ណព័ត៌មាន​ដែលចេញដោយ អ.វ.ត.ក ត្រូវបំពេញ​ទម្រង់បែបបទសុំប័ណ្ណសារព័ត៌មាន​ដោយមានចុះហត្ថលេខា ភ្ជាប់រូបថតទម្រង់ jpg មួយ​សន្លឹក និងច្បាប់ចម្លង​លិខិតឆ្លងដែន​មួយច្បាប់ផ្ញើមកជាមួយសំណើសុំចុះឈ្មោះ​តាមរយៈការផ្ញើសារអេឡិចត្រូនិកទៅ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។

ទម្រង់​បែបបទសម្រាប់សុំប័ណ្ណ​ព័ត៌មាន អាចទាញយកបាន​ពីគេហទំព័ររបស់ អ.វ.ត.កៈ
http://www.eccc.gov.kh/sites/default/files/ECCC_Accreditation_Media_Appl...

អ.វ.ត.ក ត្រៀមបម្រុងកន្លែងអង្គុយចំនួន ២០កន្លែង នៅក្នុងសាលសវនាការសម្រាប់​តំណាងសារព័ត៌មាន។ អាទិភាពនឹងត្រូវបានផ្តល់ជូន​អ្នកសារព័ត៌មានខាង​ផ្នែកបោះពុម្ព។ អ្នកសារព័ត៌មានដទៃទៀត​នឹងត្រូវរៀបចំជូនកន្លែងអង្គុយក្នុងបន្ទប់សារព័ត៌មាន​នៅជាន់ផ្ទាល់ដី។ តំណាងសារព័ត៌មានដែលមាន​បំណងទទួលបានកន្លែងអង្គុយ​ក្នុងសាលសវនាការ ត្រូវធ្វើសំណើ​សុំកន្លែងអង្គុយព្រមគ្នា​ជាមួយនឹងសំណើ​សុំចុះឈ្មោះសម្រាប់​ការចូលរួមស្តាប់​សវនាការ។

ថ្ងៃផុតកំណត់​សម្រាប់សំណើសុំចុះឈ្មោះ​រ​​បស់អ្នកព័ត៌មាន និងសំណើសុំប័ណ្ណព័ត៌មាន៖ ថ្ងៃសុក្រ ទី ២៧ ខែ មករា ឆ្នាំ ២០១២ វេលាម៉ោង ៤ រសៀល។

សេវាប្រព័ន្ធ​ផ្សព្វផ្សាយព័ត៌មាន
ផ្នែកកិច្ចការសាធារណៈរបស់ អ.វ.ត.ក នឹងផ្តល់មធ្យោបាយសម្ភារៈ​នានានៅជាន់ផ្ទាល់ដីនៃ​អគារតុលាការដើម្បីជួយសម្រួលដល់អ្នកសារព័ត៌​មាននៅក្នុងអំឡុងពេលសវនាការ។

នៅក្នុងបន្ទប់ការងារ​ផ្សព្វផ្សាយព័ត៌មាន (C108) មានកន្លែងស្ងប់ស្ងាត់​សម្រាប់ធ្វើការ និងមានកុំព្យូទ័រមួយចំនួន​ដែលមានភ្ជាប់ប្រព័ន្ធអ៊ីនធឺណិតរួច​ជាស្រេច សម្រាប់អ្នកសារព័ត៌មានប្រើប្រាស់ តាមគោលការណ៍​មកមុនបានមុន។ សូមបញ្ជាក់ថា សេវាអ៊ីនធឺណិតគ្មានខ្សែនៅ អ.វ.ត.ក នៅ​មានកម្រិតនៅឡើយ ដូច្នេះ​អ្នក​សារព័ត៌មានគួរ​តែ​យក​ម៉ូឌឹម 3G (3G modems) ផ្ទាល់ខ្លួនមកជាមួយ ប្រសិនបើអ្នកសារព័ត៌មាន​ត្រូវការបញ្ជូន ឬទាញយកឯកសារទំហំធំៗ។

នឹងមានផ្តល់ការផ្សាយបន្តផ្ទាល់ជាវីដេអូ និងសំឡេងអំពីដំណើរការសវនាការ នៅក្នុងបន្ទប់​សម្រាប់អ្នកសារព័ត៌មាន (C105) ដែលស្ថិតនៅជាន់ផ្ទាល់​ដីនៃសាលសវនាការ។ ការផ្សាយ​បន្តផ្ទាល់ជាភាសាខ្មែរនៅក្នុងបន្ទប់ C109 និងភាសា​អង់គ្លេសនៅ​ក្នុងបន្ទប់ C105។

កន្លែង​អង្គុយនៅក្នុងសាលសវនាការសាធារណៈដែលត្រៀមបម្រុងទុកសម្រាប់​អ្នកសារព័ត៌មាន
អ្នក​សារព័ត៌មានគួរតែមកដល់កន្លែងអង្គុយ​របស់ខ្លួនឲ្យបាន ១៥នាទី មុនពេលសវនាការ​ចាប់ផ្តើម។ ពុំអនុញ្ញាតឲ្យ យកម៉ាស៊ីនថត កុំព្យូទ័រយួរដៃ ទូរសព្ទដៃ ឬឧបករណ៍ថត​សំឡេង ចូលទៅក្នុងសាលសវនាការសាធារណៈ​ឡើយ។

ការថតរូបភាព
អ.វ.ត.ក នឹងផ្តល់រូបភាពដែលមានគុណភាពច្បាស់ នៅពេលចាប់​ផ្តើមសវនាការ។

ការថតសំឡេង
ការផ្សាយសំឡេងអំពីដំណើរការសវនាការ នឹងត្រូវបានផ្តល់ជូនអ្នកសារព័ត៌មាន​តាមប្រព័ន្ធ PHONO/XLR។ អ្នកសារព័ត៌មានអាចថតការផ្សាយសំឡេងនេះបាននៅក្នុងបន្ទប់តាម​ដាន​ព័ត៌មាន (C105) ដោយប្រើឧបករណ៍ភ្ជាប់មួយក្នុងចំណោម​ឧបករណ៍ភ្ជាប់ចំនួន ៤៨ (មានឧបករណ៍ភ្ជាប់​ចំនួន១៦ សម្រាប់ភាសានីមួយៗ មានខ្មែរ អង់គ្លេស និងបារាំង)។ ការតភ្ជាប់ពីម៉ាស៊ីនថតសំឡេង​មួយទៅម៉ាស៊ីនថតសំឡេងមួយ​ទៀត អាចធ្វើទៅបាន ប្រសិនបើអ្នកសារព័ត៌មានមាន​ខ្សែ​សម្រាប់តភ្ជាប់។ ពុំអនុញ្ញាតឲ្យថតសំឡេងនៅក្នុង​សាល​សវនាការ​ឡើយ។
ការថតវីដេអូការផ្សាយវីដេអូអំពីដំណើរ​ការសវនាការ នឹងត្រូវបានផ្តល់​ជូនតាមប្រព័ន្ធ BNC (PAL signal)។ អ្នកសារព័ត៌មាន​អាចថតវីដេអូ នៅក្នុងបន្ទប់តាមដានព័ត៌មាន (C105) ដោយ​ប្រើប្រាស់ឧបករណ៍​ភ្ជាប់មួយ​ក្នុងចំណោមឧបករណ៍​ភ្ជាប់ចំនួន៣០ ដែលមាន​នៅទីនោះ។ ការតភ្ជាប់ពីម៉ាស៊ីនថតវីដេអូមួយ ទៅម៉ាស៊ីន​វីដេអូមួយទៀត អាចធ្វើទៅបានប្រសិនបើអ្នកសារព័ត៌មាន​មានខ្សែសម្រាប់តភ្ជាប់។ ពុំអនុញ្ញាត​ឲ្យថតវីដេអូនៅក្នុង​សាលសវនាការឡើយ។

មធ្យោបាយធ្វើដំណើរសម្រាប់តំណាងប្រព័ន្ធផ្សព្វផ្សាយព័ត៌មាន
អ.វ.ត.ក នឹងផ្តល់ជូននូវមធ្យោបាយធ្វើដំណើរ​តាមរថយន្តក្រុងដោយឥតគិតថ្លៃ​សម្រាប់អ្នកសារព័ត៌មាន ណាដែលពុំមានមធ្យោបាយធ្វើដំណើរ​ផ្ទាល់ខ្លួនពីរាជធានីភ្នំពេញ មកកាន់ អ.វ.ត.ក និងមធ្យោបាយធ្វើដំណើរត្រឡប់ទៅវិញ។ រថយន្តក្រុងនឹងធ្វើដំណើរចេញពី​មជ្ឈមណ្ឌលព័ត៌មាន​របស់ អ.វ.ត.ក ផ្ទះលេខ ៦អា ផ្លូវ ២១ សង្កាត់ ទន្លេបាសាក់ ខណ្ឌ​ចំការមន នៅវេលា ម៉ោង ៧ ព្រឹក និងនៅ​ចំណុចមុខ​ស្ថានីយ៍រថភ្លើង​ភ្នំពេញ នៅវេលាម៉ោង ៧:១៥ នាទីព្រឹក នៅថ្ងៃសវនាការ។ សូម​ចុះឈ្មោះជាមុន តាម​រយៈ​ការផ្ញើសារ​អេឡិច​ត្រូនិក​ទៅ អាសយដ្ឋាន​អ៊ីមែល​នេះ​ត្រូវ​បាន​ការពារ​ពី​សំបុត្រ​​ឥត​ប្រយោជន៍​ផ្សេងៗ។ អ្នក​ត្រូវ​ការ​អនុញ្ញាត JavaScript ដើម្បី​មើល​វា។

 
សេចក្តីប្រកាសព័ត៌មានរបស់​សហចៅក្រមស៊ើបអង្កេតជាតិ​

នាថ្ងៃទី០៩ ខែមករា​ ឆ្នាំ២០១២ ដែលជាថ្ងៃឈប់​សម្រាករបស់ភាគីជាតិ​ទាំងអស់របស់អ.វ.ត.ក​ សហចៅ​ក្រមស៊ើបអង្កេតបម្រុងអន្តរជាតិ Laurent Kasper Ansermet ​បានធ្វើសេចក្តី​ប្រកាសព័ត៌មានមួយ​ ដែលទង្វើនេះ​គឺជាការលួចធ្វើនៅពីក្រោយ​ខ្នងរបស់ភាគីខាងជាតិទាំងអស់​។

ដើម្បីជៀសវាងការភ័ន្តច្រឡំពីសំណាក់មតិជាតិ និងអន្តរជាតិទាក់ទងនឹង​សេចក្តីថ្លែងការណ៍​របស់​សហចៅក្រមស៊ើប​អង្កេតអន្តរជាតិ​បម្រុ​ងដែលធ្វើឡើងនៅ​ថ្ងៃនេះ សហចៅក្រមស៊ើបអង្កេតជាតិ​សូមធ្វើការគូសបញ្ជាក់ថា ដូចបានលើកឡើងរួចមកហើយ​នៅក្នុងសេចក្តីថ្លែងការណ៍​របស់ខ្លួនចុះថ្ងៃទី៦ ខែធ្នូ ឆ្នាំ២០១១ សហចៅក្រម ស៊ើបអង្កេតអន្តរជាតិ​បម្រុង Laurent Kasper-Ansermet មិនមាននីតិសម្បទា​នៅក្នុងការបំពេញកិច្ចនីតិវិធី ឬចំណាត់ការណា​មួយទាក់ទងនឹង​សំណុំរឿងឡើយ ដោយ រួមទាំងការផ្សព្វផ្សាយ​ព័ត៌មាន​អំពីសំណុំរឿងដែលមានចែងក្នុងវិធាន ៥៦ នៃវិធានផ្ទៃក្នុង។ ដូច្នេះ​ហើយបានជាសហចៅក្រមស៊ើបអង្កេតជាតិ​មិនអាចធ្វើការ​ពិភាក្សា ជាមួ​យនឹងលោក Laurent Kasper-Ansermet អំពីការផ្សព្វផ្សាយព័ត៌មាន ដែលមាន​ចែងនៅក្នុងវិធាន ៥៦ នៃវិធានផ្ទៃក្នុងនេះបានឡើយ ពីព្រោះថា ចំណាត់ការនេះ តម្រូវឲ្យ​មានការឯកភាពគ្នារវាង​សហចៅក្រមស៊ើបអង្កេតជាតិ និងអន្តរជាតិដែល​មាននីតិសម្បទា​គ្រប់គ្រាន់​តាមផ្លូវច្បាប់។

ឆ្លៀតក្នុងឱកាសនេះ សហចៅក្រមស៊ើបអង្កេតជាតិ​សូមសម្តែងនូវ​ការ​សោកស្តាយ​យ៉ាង​​ខ្លាំងចំពោះរបៀបរបបធ្វើ​ការងា​ររបស់សហចៅក្រម​ស៊ើបអង្កេតអន្តរជាតិ​ បម្រុង ដែល​ខ្វះការយោគយល់គ្នា​ ខ្វះការពិចារណា​​អំពីគោលការណ៍ច្បាប់ និងការអនុវត្តកន្លងមករ​បស់​ការិយាល័យសហចៅក្រមស៊ើបអង្កេត​ និងបំពេញការងារ ដូចជា​អ្នកផ្សព្វផ្សាយ​ព័ត៌មាន​ជាជាងមន្ត្រីតុលាការ​។




OCIJ-National
ប្រភពៈ http://www.eccc.gov.kh/articles/16476

 
សេចក្តីថ្លែងការណ៍របស់សហចៅក្រមស៊ើបអង្កេតបម្រុងអន្តរជាតិ

នៅក្នុងសេចក្តីប្រកាសព័ត៌មានរបស់ខ្លួន  ចុះថ្ងៃទី ៦ ខែ ធ្នូ ឆ្នាំ ២០១១ សហ​ចៅក្រមស៊ើបអង្កេតបម្រុងអ​ន្តរជាតិបានបញ្ជាក់ពីការប្តេជ្ញាចិត្ត ក្នុងការផ្តល់ព័ត៌មានឲ្យបានគ្រប់គ្រាន់ដល់សាធារណជនទាក់ទងនឹងដំណើ​រវិវឌ្ឍន៍សំខាន់នៅក្នុងសំណុំរឿង ០០៣ និង​សំណុំរឿង ០០៤។

សហចៅក្រមស៊ើបអង្កេតបម្រុងអន្តរជាតិ យោងទៅលើ​បទប្បញ្ញត្តិនានានៃវិធាន ៥៦ នៃវិធានផ្ទៃក្នុងរបស់​អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក)។ វិធាននេះចែងថា ការផ្សព្វផ្សាយ​ជាសាធារណៈ នូវព័ត៌មានទាក់ទងនឹង​សំណុំរឿងត្រូវតែមានការឯកភាពរួមគ្នាពី​សហចៅក្រមស៊ើបអង្កេត។ ក្នុងករណីនេះសហចៅក្រមស៊ើបអង្កេតបម្រុងអន្តរជាតិ​មានការ​សោកស្តាយណាស់ដែលថាសហចៅក្រមស៊ើបអង្កេតជាតិ​មិន​ឯកភាពឲ្យមានការផ្សព្វផ្សាយ​ព័ត៌មាន ទាក់ទងនឹងសេចក្តីសម្រេច​សំខាន់ៗដែល​ខ្លួនបានដាក់ជូននៅ​ខែធ្នូ ទាក់ទង​នឹង​សំណុំរឿង ០០៣ និង​សំណុំរឿង ០០៤។
OCIJ-internaltional
ប្រភពៈ http://www.eccc.gov.kh/articles/16471

 
<< ចាប់ផ្ដើម < មុន 1 2 3 4 5 6 បន្ទាប់ > ចុងក្រោយ >>

ទំព័រ​ទី 3 ​ទាំងអស់ 6 ទំព័រ
Victims Support Section of the ECCC